آسيا

♥^♥^♥ هدية الغالي رحلة الى بالي 2015 ♥^♥^♥

تحية طيبة وبعد

سوف اتحدث في تقريري هذا عن رحلتي الى جزيرة بالي

راجية من المولى القدير ان يستفيد منه اعضاء وزوار المنتدى

خاصة وأن بالي من الجزر التي اهملت من قبل العرب

وخاصة في التقارير ونادرا ماتجد تقرير مصور يساعدك في

التخطيط والذهاب لها

وقد نقلت موضوع يتحدث عن السياحة في جزيرة بالي

الى المنتدى لكي يستفيد منه اعضاء المنتدى

كما استفدت منه كثيراً في التخطيط والاعداد لرحلتي

فجزا الله خيرا من كتبه

[منقول] جزيرة بالي – شواطئ بالى , Bali Beaches – السياحة فى بالي

زمن الرحلة




عدد المسافرين :2
انا وزوجي الغالي

الخطوط الناقلة
القطرية
درجة رجال الأعمال

Movenpick Hotel Doha
ترانزيت من الخطوط القطرية
في الذهاب غرفة ديلوكس
وفي العودة
جناح رجال الاعمال
شامل
عشاء وفطور

Bintang Kuta Bali

غرفة مزدوجة شامل الافطار
مدة الاقامة ليلة واحدة
كوتا

Ulu Segara Luxury Suites & Villas

فيلا لشخصين

شاطئ سوانجان

مدة الاقامة اربعة ايام

هذه الصورة تم اعادة تحجيمها . الحجم الافتراضي لها هو 840×460.

C151 Smart Villas

فيلا لشخصين
شاطئ سيمنياك
مدة الاقامة ثلاثة ايام

Puri Candikuning Retreat

فيلا لشخصين

بيدوغول

مدة الاقامة ثلاثة ايام



D’Chandrasti Bali Villas Batu Belig

فيلا لشخصين

شاطئ سيمنياك

مدة الاقامة ثلاثة ايام

لكل منطقة يسافر لها الانسان احتياجاتها الخاصة بها
وللجزر استعدادتها التي تميزها بالنسبة للملابس
طبعا كلها خفيفة ماعدا منطقة بيدوغول باردة نوعا ما
تحتاج الى ملابس ثقيلة نوعا ما


اما بالنسبة للمؤنة فهي أهم شي لابد من الاهتمام به
ومما نفتقده في شرق اسيا الخبز يكاد ينعدم وجوده
وإن وجد فهو ليس بالجيد وفي الغالب لايوجد سوى التوست
وفكرت لو كتب لي الله مرة اخرى للذهاب بالي
احضر معي خبازتي الخاصة



وكذلك الاجبان وممكن تاخدو معاكم

( زيتون ، حمص ، فول ، زيت زيتون
، شوربة كنور ، مخلل ، مستلزمات القهوة
، تونة بالخضار من يورو ماري ،
تمر، معمول ، مكسرات ،
لعشاق القهوة التركي والكابتشينو
لابد من اصطحابها ، الاكياس الخاصة لعمل الثلج )

وتجدون في هذا الرابط موضوعي للسيدات عن تجهيزات السفر

http://www.travelzad.com/vb/t131294.html#.VXnOmvlViko

بالنسبة للعملة تم صرفها من الصرافين قرب الحرم النبوي


جميع حجوزات الفنادق من بوكنج وتم سحب مبلغ اول ليلة من البطاقة لجميع الفنادق قبل سفري اليها من قبل الفنادق



بعد الانتهاء من تجهيزات الرحلة
توجهنا على بركة الله الى مطار
الأمير محمد بن عبد العزيز
بالمدينة المنورة
لتبدأ
رحلتنا

حان اليوم الموعود ووصلنا السائق الى المطار








وشحنا العفش واخدنا بطاقة للصعود
الى قاعة الدرجة الأولى في المطار
وهي خاصة بعدة خطوط من ضمنها القطرية
وهادي صورها طبعا في المطار القديم اللي اغلق الآن


وتم الاعلان عن رحلتنا وتوجهنا على بركة الله


المنيو لاختيار قائمة الطعام

وهادي وجبتنا

وصلنا الى قطر على الساعة 9 في الليل
وتوجهنا الى مكتب بعد الخروج من الطائرة وهو مخصص للقادمين ترانزيت
ومعاهم حجز الفندق
اخذتنا الموظفة ورحنا على قاعات المها المخصصة للترانزيت
وهادي صور من بعض القاعات اللي كنا فيها
ماشاء الله قمة في الفخامة والنظافة


واخيرا وصل السائق اللي راح يوصلنا للمطار

وتوجهنا الى فندق موفنبيك وهو ينقل المسافرين

من والى المطار


عملنا تشيك ان واستلمنا غرفتنا
واخبرونا ان السيارة راح تكون في انتظارنا
على الساعة 11 عشان تودينا المطار
وهادي صور الفندق
اللوبي والمطاعم الموجودة في الدور الأرضي 


وهادي صور غرفتنا
الفندق هادئ ونظيف

وصلنا غرفتنا وارتحنا وعملنا كوفي وعلى الساعة 11
نزلنا واخدنا السيارة واتوجهنا على المطار

بعد دخول الصالة الخاصة برجال الاعمال والدرجة الاولي
والانتهاء من ختم الجوازات اتمشينا في السوق الحرة

بعد كدا طلعنا للقاعة الخاصة ريحنا فيها
وشربنا قهوة على مايجي موعد رحلتنا

على الساعة 30و2 توجهنا الى البوابة
ماشاء الله المطار كبير جدا والافضل
اخذ سيارة القولف عشان تنقلكم للبوابة
الطائرة كانت مليانة جميع الركاب
اوربيين مافي احد عربي غيري انا وزوجي


وعلى الساعة 3 الفجر اقلعت الطائرة

وهذا الموقع السيئ اللي اختاره اللي عمل الحجز
في المكتب الله يسامحه
بين دورات المياه ولافيه اي شباك
مانتبهت الا قبل السفر بليلة عشان اطبع البوردنق
حاولت اغيره بس مافي جميع المقاعد مليانة
انتبهو منه

اول ماركبنا كنا تعبانين لنا يومين مانمنا
قلتنا للمضيفين مانبغى اكل الان نبغى ننام
ولمن نصحى يجيبوه لنا وياليتنا ماقلنا
لمن حسينا بالجوع بعد 6 ساعات طيران
واحنا على اكلنا في الطيارة من المدينة للدوحة
طلبنا منهم العشاء
قالوا مافي اكل
وبركة معايا حبتين تمر في شنطتي
اكلناها وكملنا نومنا

وهادا احسن شي انه المقاعد تصبح سرير
في درجة رجال عمال القطرية
مع انها صغيرة وقاسية
ماهي مريحة زي الامارتية




وزعوا علينا كروت الدخول
وطلبوا يعبوها لنا
ووافقنا اعطيناهم
الجوازات وعبوها لنا




وعلى وقت صلاة الفجرقمنا نصلي
وهنا المشكلة مع الخطوط القطرية
ممنوع فيها الصلاة الا على الكرسي
انتظرت الين راحت المضيفة
وقمت صليت امام مقاعدنا
طبعا عصبت وماعجبها الحال
ماعجبني تعامل بعض المضيفات

يمكن عشاننا عرب
وماعجبتني الخدمة ولاتليق
بمستوى خدمة رجال الاعمال
اذا احنا يعاملونا كدا
اجل كيف السياحية
هادا غير الاضواء المطفية طول الرحلة
حتى اللمبة اللي عندي
رفضوا اني اولعها حتى عند الأكل
عشان كدا تشوفوا كل الصور مضلمة


وقبل الوصول بساعتين قدموا لنا الفطور


وصلنا الى مطار بالي دنبسار
وتوجهنا الى الجوازات
وسلمناهم الكرت اللى عبيناه في الطيارة
ودفعنا مبلغ الفيزا
اعتقد 35 دولار وتوجهنا لاستلام العفش
اخدنا شنطنا ولمن مرينا على التفتيش
طلبوا مننا فتح شنطة المؤنة مادري ليه
مع انه مافي احد طلبوا منه يفتح شنطته غيرنا
بس ماطولوا القوا نظرة عليها ومشونا
وكان تعاملهم معانا راقي بكل أدب واحترام
ومافي الكلام الفاضي الموجود في مطار جاكرتا


طلعنا من المطار واخدنا ندور على التاكسي
وكان فندقنا جدا قريب من المطار
وزوجي يكاسرهم وانا اسمع الارقام الخيالية
اللي يقولها واقوله ايش هادا
مرررة الاسعار غالية في بالي مو زي ماقالوا
قال لي اسكتي التاكسي ب 10 ريال
ياسلاااااام على الرخص شي جميل
وافتكرت سعر الروبية بالريال السعودي


اخدنا التاكسي وتوجهنا الى فندق

Bintang Kuta Bali

موقع الفندق قريب من المطار ومن ديسكفري مول
ومدة اقامتنا فيه ليلة واحدة
واعتقد سعره ب300 ريال
اعذروني لاني مافتكر الاسعار
وسبب اختيارنا له عشان نريح من التعب
لأنه موعد وصولنا على المغرب
وماحبيت اخد شي غالي









عملنا تشيك ان
وشربنا العصير الضيافة
وطلعنا على غرفتنا

صور الغرفة لابأس بها
مساحتها مناسبة واطلالتها على الشارع










دورة المياه اكرمكم الله





بعد ماصلينا وارتحنا نزلنا ندور على عشا
ولقينا المطعم الهندي المشهور في بالي
واللي فروعه في اغلب مناطق الجزيرة
واللي اغلب اكلنا كان
من عنده رحنا لجميع فروعه
queen s of indi


بعد كدا رجعنا على الفندق نمنا

صحينا الصباح صلينا ونزلنا على الفطور
وهادي صور المطعم وكان امام المسبح
وكان مليان اغلبهم صينين



وهادي صورة فطورنا

وهادي جبنة الكرفت للاحتياط
عشان لو ماعجبني فطورهم
افطر فيها لكن كان جيد
وما احتجت لها

بعد مافطرنا طلعنا ريحنا في غرفتنا وعلى الساعة 12
نزلنا اتمشينا في المحلات اللي جنب الفندق









على الساعة 2 رحنا على المطعم الهندي واتغدينا فيه




اتغدينا ورجعنا الفندق عملنا تشيك اوت واخدنا تاكسي
وتوجهنا الى منطقة شاطئ سوانجان


لقينا محل يبيع فواكه واشترينا منه

وصلنا الى فندق

Ulu Segara Luxury Suites & Villas

الفندق عبارة عن مبنى مقابل لبحر
وبعده الفيلل
وكانت مدة اقامتنا اربعة ايام
فيلا بغرفة نوم واحدة
شامل الافطار
وهادي صور اللوبي

وطبعا مشروب الضيافة والمناشف الباردة
كعادة اغلب فنادق شرق اسيا

وهادي صور فيلتنا

وتنقسم الفيلا الى تلاتة اجزاء
هادا الجزء الأول ويشمل
على صالة الجلوس
والمطبخ وطاولة الطعام

الجزء الثاني ويشمل
المسبح والجلسة الخارجية
والتراس














الجزء الثالث
ويشمل غرفة النوم

















ودورة المياه اكرمكم الله










تمتاز الفيلا بالهدوء التام والخصوصية
انعزال تام عن العالم الخارجي
مسبح وبحر وخضرة
وليل ونجوم وقمر وسحاب
مكان تستعيد فيه حيوتك
ونشاطك للمضي قدما في
دوامة الحياة
وهادا سبب اختياري لها
وطلبت من زوجي
اننا مانخرج منها طيلة مدة اقامتنا
انا قضيت وقتي بين السباحة والنوم
وجايبة معايا اللاب توب ومحملة افلام والعاب
اتسلى فيه لو طفشت
والنت متوفر ومجاني وسرعته ممتازة
وفيه قريب من الفندق انشطة للي مايناسبه
جو الهدوء والاسترخاء

بعد ماستلمنا فيلتنا ارتحنا
وسوينا قهوتنا وقضينا الوقت في
السباحة وصلينا المغرب والعشا ونمنا




اليوم الأول في المنتجع


صحينا الفجر صلينا وشربنا قهوتنا وطلبنا سيارة
البقي عشان تنقلنا للمطعم اللي هو موجود بمبنى الفندق
وهو قريب بس احنا كسلانين مافينا نمشي له
المطعم كان فاضي مافي غير احنا وزوجين صينين


وهادا المكتب شكله فيه الانشطة

السبا مقابل المطعم
الجلسات الخارجية
والمسبح العام للفندق


موجود في الدور الأول
المكتبة والكوفي والجلسات خارجية
اطلالتها جميلة

وهادي الصورة هي اللي بسببها حجزت الفندق
على بالي انه البحر قريب زي المالديف لكن للأسف
طلع بعيد ومافي طريقه للنزول له

قضينا هادا اليوم في السباحة اوالنوم
وعملنا غدا من المؤنة اللي معانا والفاكهة
وعلى الساعة تلاتة الفجر
صحيت عملت لي عشاء
ذكرني بفطوري
مع زميلاتي ايام المدرسة
وهادا الخبز جبته معايا




وهادي صور للموقع في الليل والصباح














اليوم الثاني برضه استرخاء
نفس النظام نوم سباحة اكل


اليوم الثالث
كان يوم جمعة في هادا اليوم حصل حدث
عمري ماراح انساه
من الرعب اللي شفته فيه راح اذكره لكم
في حينه وراح تشوفوه بالفيديو اللي
راح اعمله عن الرحلة إن شاء الله



كان يوم جميل مغيم سبحنا الين الظهر
وراح زوجي لصلاة الجمعة وانا صليت الظهر
ورحت عملت مساج
وكان ممتاز بس عيبه سعره غالي
مقارنة بأسعار المساج في بالي
يبدأمن 350
وهادي صور السبا


بعد مانتهيت من المساج رجعت الفيلا
عملت القهوة وجلسنا نستمتع بالجو الجميل
بس كنت مستعربة من منظر الغيوم كانت سوداء
وكثيفة وبدات تمطر والهواء كان خفيف





ماخدنا غير وقت بسيط وجات ريح شديدة ومطر قوي
وكنت واقفة جنب المظلة لمن شفت الهوا قوي خفت
ماني عارفة فين بدي اروح جريت على المطبخ
لكن سبحان الله ناداني زوجي قالي تعالي
فين رايحة مافي ثانية الا والمظلة طارت
وكسرت الزجاج تبع الفيلا
كان بيني وبين الموت ثانية
ولكن مازال في العمر بقية
الله يحسن خاتمتنا

















كانت لحظات مرعبة مرت علينا
مهما وصفتها ماراح تتخيلوها
كرهت السفر وكرهت بالي
كان مطر قوي وهواء شديد
اول مرة اشوف عاصفة بالشكل هادا
وجلست ابكي وادعي الله
اني مااموت في هادا المكان
سرنا ماحنا عارفين فين نروح نتخبى من الهواء
فكرت في الدولاب ولا في دورة المياه
لانها هي اللي مبنية خفنا انه سقف الفيلل
اللي جنبنا ولا امامنا يطير علينا
ولكن الله لطف بنا وعدت العاصفة على خير
وحتى لمن سألناهم قالوا اول مرة تجينا عاصفة زي كدا .
بعد مانتهت العاصفة طلبناهم
يجوا ينظفوا الزجاج المتكسر
وقالوا لنا نروح فيلا تانية قلنا لهم لا راح
نكمل مدتنا في فيلتنا مافينا ننقل
وكملنا المدة في فيلتنا وفي الليل
جابوا لنا عشاء هدية من الفندق
وجات مديرة الفندق
واعتذرت لنا من اللي حصل



اتعشينا وبالقوة نمت من الخوف
خايفة ان العاصفة ترجع مرة تانية

ايجابيات الفندق

هادئ يصلح للأستجمام
تعامل الموظفين رائع
الفيلا فخمة ومساحتها ممتازة
طعام الأفطار متوسط ربما لقلة النزلاء
مساحة المسبح مناسبة

السلبيات

ارتفاع سعره
المطبخ لايوجد له باب
لغرفة النوم الا عن طريق
ساحة الفيلا
ولا يوجد به تكييف





وانتهت مدة اقامتنا في هذا المنتجع الجميل
بذكرياتها الجميلة والحزينة
وانتقلنا الى منطقة سيمنياك الحيوية

عملنا تشيك اوت من فيلا سوانجان وانتقلنا الى فيلا

C151 Smart Villas

فيلا لشخصين
شامل الافطار
مدة الاقامة ثلاثة ايام


هادا الللوبي

هادا مسبح عام وجلسات خارجية عند اللوبي

وهادا الطريق الى الفيلا

وهادي فيلتنا الدخول بالكرت

مدخل الفيلا

بعد مادخلنا قدموا لنا هادا العصير
وطلبوا مننا نختار قائمة الفطور اليومي
وموعد تقديمه كل يوم
يجيبوه جاهز في الفيلا على الموعد
ويعملوا الشاي والقهوة في الفيلا

الفيلا كبيرة وتحتوي على تقنية عالية
فيلا ذكية
ويوجد منها منها مجموعتان
مجموعة في دريم لاند
ومجموعة في سيمنياك
انا اخترت اللي في سيميناك
لأنها اصغر
وتتكون الفيلا من 3غرف
ويتم اغلاق واحدة عندما يكون شخصان
وراح اشرحها لكم
الجزء الأول
صالة الجلوس والمطبخ
ويوجد به نظام الصوت المركزي للفيلا
ويحتوي على 6 سيديهات موسيقى
وممكن تجيبوا السيديهات اللي تبغوها
وتشغلوها في الجهاز والصوت ينتشر
في كل الفيلا حتى المسبح
بس انتبهوا اذا كان قران
اغلقوا سماعات دورات المياه
انا جبت معايا سي دي قرآن
واهم شي سورة البقرة
والأذان








الستائر تفتح وتغلق بالريموت




















الثلاجة فيها برادة موية ومكعبات الثلج










الانترفون






اطلالة الصالة على المسبح
وهي الفيلا الوحيدة اللي سكنتها
الصالة والمطبخ فيها مكيفة




صور المسبح

الجزء الثالث
غرف النوم ودورات المياه












































































الغرفة التانية وفيها نفس الشي
في دورة المياه الجاكوزي والشاور




قضينا اليوم في المسبح وعلى العصر
خرجنا اتمشينا في السوق بعد كدا
رحنا اتعشينا في المطعم الهندي
اللي في سيمنياك





الشارع مليان محلات ملابس ومساج





































اليوم الأول في الفيلا


تناولنا طعام الافطار





وخرجنا اتمشينا على الشاطئ القريب من الفندق
وفيه الانشطة مثل تأجير الخيول والركمجة
ركوب الأمواج وفيه مطعم وجلسات












ورحنا عملنا مساج في المحلات
المنتشرة في الشارع







ورجعنا على فيلتنا نمنا وعلى المغرب
عملنا قهوتنا
وبعد كدا رحنا اتعشينا
في مطعم ليالي اللبناني
وتقيمي له 10/7
































اكلهم لابأس به
لكن المرعب هو كثرة الحشرات والناموس
والوزغ في كل مكان
ماصدقت متى خلصنا الأكل
وجري خارج المطعم
منظرهم مرعب كل
الاشكال والالوان والاحجام

كانت الحيوانات اغلبها نايمة

اعجبني وجود المصلى في الحديقة
صلينا الظهر والعصر وكملنا طريقنا

بعد مانتهينا من الحديقة كملنا طريقنا
وكان طويل ومتعب لأنه جبلي
لكن المناظر الجميلة خففت علينا التعب





















































الوصول الى فندق


Puri Candikuning Retreat


مدة الاقامة ثلاثة ايام


شامل الأفطار















اللوبي









عملنا تشيك ان وتوجهنا لفيلتنا














































صور الفيلا
وتصميمها على النظام البالي
وهادي الصالة والمطبخ


الجزء الثاني
غرفة النوم وقسم لدولاب الملابس
وقسم الحمام


البلكونة الخاصة بغرفة النوم واطلالتها على البحيرة

هادا مشروب الضيافة من الفندق


وهادي صور المنطقة المحيطة بالفيلا


وغربت شمس اول يوم لنا في الفيلا
صلينا المغرب والعشا
وعملنا لنا عشاء


وراح احكي لكم حكايتي مع هادي الفيلا
لمن انتهيت من العشا وحاولت انام ماني قادرة انام
جاني خوف غريب مع اني كل مكان اروح له اول مااوصل
احصن نفسي واشغل سورة البقرة
لكن قضيت فيها ليالي مرعبة لاتنسى
افضل طول الليل ابكي واصلي واقرأ قرآن الين يطلع النهار
ماادري ايه السبب
وقال لي زوجي خلاص ننزل نروح اي مكان
قلت له خلاص نكمل مدتنا
المكان حلو في النهار بس في الليل
لاااااااااا مرررررعب

وطيلة فترة اقامتنا في المنتجع مافي احد غيرنا ساكن
حتى العاملين يروحوا
وماعرفت هادا الشي الا اخر يوم
حسيت انه هادي الفيلا فيها شي غريب مو مريح
مع اني ماشفت شي ولا سمعت
بس ماادري ايش السبب
ولو رحت لبالي مرة تانية ماراح انزل فيها
كل فيلا ليا معاها قصة مرعبة
وأول مرة تحصل معايا في سفرياتي



الحمدلله اخيرا طلع الصباح
عملت القهوة وجلسنا في الجلسة الخارجية




بعد ماشربنا قهوتنا رحنا للمطعم عشان نفطر
لقينا واحدة موظفة اخدت طلباتنا وراحت تعملنا الفطور
ومافي احد غيرنا انا فكرت انه الناس فطرت وراحت
طلع انه مافي نزلاء غيرنا
وهادي صور المطعم وصور فطورنا

انتهينا من الفطور واتصلنا على السواق
ورحنا ناخد جولة في القرية


1/ زيارة الحديقة الوطنية
وتحتاج للسيارة طوال الرحلة لأنها كبيرة
وتعرض انواع متعددة من النباتات






























































اليوم الثاني
تناولنا فطورنا





وطلعنا عشان نشوف الاماكن السياحية في بالي


وفي الشارع القريب من الفيلا


مكاتب كتيرة بس ماناسبتنا


ولقينا سواق تاكسي حضرمي مسلم


كملنا معاه بقية الرحلة


وبدات جولتنا بمعبد


Uluwatu









معبد Uluwatu























































































لقينا هادي الفاكهة في
الطريق واشترينا منها




أهم الأماكن السياحية في جزيرة بالي بدولة إندونيسيا هي:

١. شاطئ Jimbaran.
٢. شلال Git git.
٣. شلال Campuhan.
٤. بحيرة Beratan. …
٥. الحديقة النباتية في بيدوقول.
٦. شلالي Munduk.
٧. مدرجات Jatiluwih للأرز.
٨. مدرجات Tegallalang للأرز.
٩. بحيرة باتور وجبل كنتماني.
١٠. الألعاب البحرية في شاطئ Tanjung Benoa
١١. حديقة الزواحف.
١٢. مزارع القهوة.
١٣. سفاري الفيلة.
١٤. حديقة الحيوانات Bali Zoo.
١٥. سفاري بالي Safari Bali.
١٦. شاطئ Dreamland
١٧. شاطئ Kuta
١٨. غابة القرود
١٩. حديقة الفراشات
٢٠. رحلة التجديف النهرية
٢١. شلال Tegenungan
٢٢. بحيرتي Buyan & Tamblingan
٢٣. شلال Sing sing
٢٤. معبد Uluwatu
٢٥. معبد Tanah Lot
٢٦. منطقة أوبود
٢٧. سوق سوكاواتي “اللوحات الفنية”
٢٨. غواصة Submarine في خليج Amuk
٢٩. الألعاب المائية WATER BOM
٣٠.حديقة الطيور
٣١. قرية سيلوك “مصانع الذهب والفضة”
٣٢. قرية ماس “النحت على الخشب”
٣٣. مصانع الباتيك “الملابس التقليدية”
٣٤. شلال Yeh Mempeh

بعد مانتهت جولتنا رجعنا على الفيلا
وواعدنا السواق يرجع لنا على الساعة 5
عشان نروح شاطئ جمبيران نتعشى فيه
وفيه الطريق ورانا مكان النصب التذكاري
اللي عاملينه للناس اللي ماتو في العمل الارهابي
في ليغيان









يشتهر شاطئ جيمباران بمطاعم الأسماك والمأكولات البحرية
وتقدم المطاعم بعض العروض الفلوكلورية للجزيرة
والاكل لايستحق المبلغ المدفوع فيه غالي
وماعجبني
اول ماتوصل عند المطعم تختار الاسماك
وتقوله اذا تبغاه مقلي او مشوي
الجلسة لا بأس بها لكن يعيبها كثرة الناس والزحام
مافيه اي روقان والناس تحب تروح له عشان منظر الغروب
وانا ماحب الغروب لأنه يعني لي الفراق
عكس الشروق بداية الأمل والحياة
مايستاهل الروحة والتعب والزمن والمشوار
وهادا المطعم اللي اخترناه
وفيه جلسات داخلية وخارجية


























































بعد ماتعشينا في جيمباران
رجعنا على فيلتنا
وكانت ليلة ممطرة
كان المطر فيها شديد والبرق والرعد
ماوقف المطر طول الليل
لكن كانت فيه مشكلة
باب الفيلا بالكهرباء
وكل مازاد الهواء انفتح الباب
وماقدرت انام غير متابعة الباب
اخاف يدخل علينا منه
وهادي من سلبيات الفيلا










في الصباح افطرنا وعلى الساعة 10 جانا السواق
وسافرنا على بيدوغول






ايجابيات الفندق




الفيلا كبيرة وتاثيثها ممتاز
التكييف ممتاز
النت سريع ومجانا
اجراءات الدخول والخروج سريعة
وجود الجاكوزي
المسبح كبير جدا وممتع
وجود تكييف في المطبخ وصالة الجلوس
التقنية الحديثة في الفيلا
تعامل الموظفين
تمتاز بالخصوصية التامة


سلبيات الفيلا
ارتفاع سعرها
وسهولة فتح باب الفيلا مع
مرور الهواء بجانبه

^♥

في هادا اليوم توجهنا الى منطقة بيدوغول
وهادي صور من الطريق
























































وفي الطريق مرينا على سفاري بالي
رحلة جميلة وتستحق يوم كامل
وبه عروض منوعة









































































هدية الغالي رحلة الى بالي 2015 ♥^♥^♥

هدية الغالي رحلة الى بالي 2015 ♥^♥^♥

هدية الغالي رحلة الى بالي 2015 ♥^♥^♥

بعد الحديقة الوطنية توجهنا الى الحديقة
الموجودة على البحيرة وفيها
انشطة بحرية وفيها معبد قديم
اللي هو شعار لبالي

هدية الغالي رحلة الى بالي 2015 ♥^♥^♥

هدية الغالي رحلة الى بالي 2015 ♥^♥^♥

وانتهت جولتنا في الحديقة وكانت الساعة 1
وسألنا السواق عن مطعم حلال وقريب
ودلنا على المطعم المقابل للحديقة ورحنا له

وهادي كانت طلباتنا بس ماعجبنا وماقدرت اكل منه
الله يديم النعمة

واصر زوجي انه نروح لسوق الخضار
ونشتري خضار ودجاج
ونعمل لنا غدا وبالقوة حتى لقينا دجاج

ورجعنا على فيلتنا صلينا الظهر
واتساعدنا وعملنا لنا احلى غدا
في الامطار والجو الحلو

وكملنا جلستنا في بلكونة غرفة النوم نشرب الشاي الأخضر
لانه برا مرررة المطر شديد

اليوم الثاني لنا في الفيلا


شربنا قهوتنا وبعدين فطرنا
وكنت جدا تعبانة من السهر في الليل وقلة النوم
وقررت اني مااخرج وانام الين الظهر
ولمن صحيت صليت وعملت الغدا

واستخدمت الجاكوزي المرة الوحيدة في المنتجع

على الساعة 5 طلعنا اتمشينا الين المغرب
في المناطق القريبة من الفندق








رحلة الى بالي 2015 ♥^♥^♥

رجعنا فيلتنا صلينا وعملت العشا
واتعشينا في الجلسة الخارجية
وحاولت انام طبعا مافي نوم
نفس موال كل ليلة
من الخوف

والحمدلله اصبح صباح
اخر يوم لنا في المنتجع
فطرنا وعملنا تشيك اوت
ونزلنا على سيمنياك

ايجابيات الفندق

الفيلا كبيرة والأجواء بها جميلة
موقع الفندق رائع واطلالته على البحيرة
اجراءات الدخول والخروج سريعة
وجود الجاكوزي
تعامل الموظفين
تمتاز بالخصوصية
سعرها مناسب

سلبيات الفيلا


لايوجد مسبح
لايوجد مطاعم او محلات قريبة
الأثاث لابأس به
الانترنت ضعيف
خلو المنتجع احيانا من النزلاء

بعد مغادرة بيدغول توجهنا الى جبال باتور( بركان كينتاماني)





جـبــــل بــــاتــــور Batur Mount أوبركان كينتماني Kintamani Volcano

الذي يبلغ إرتفاعه 1717 متر عن سطح البحر

ويقع في قرية Kintamani التابعة لمنطقة Bangli

وتبعد حوالي 50 كيلو متر عن دينباسار

وهو بركان نشط في جبل باتور Batur وأنفجر حوالي 24 مرة منذ عام 1800مولا يزال حتى الآن نشطاً

وكان أكبر ثوران لهذا البركان في عام 1926م ودمر قرية باتور
الرحلة تستغرق ساعتين من شاطئ كوتا في بالي

في الطريق للبركان يوجد الكثير من المزارع ومحلات بيع الفواكه كما ستشاهد الكثير من القرى و اهالي الجزيرةوهم يحصدون الأرز يبتسمون لكل السياح وتستطيع النزول والتحدث معهم وتصويرهم وهم مبتسمون ويرحبون بك في جزيرة بالي

عندما تصل الى بركان باتو تشاهد الكثير من السياح الأجانب والسياح من إندونيسيا جيث تجدهم في كل مكان بالمنطقه وفي المطاعم التي تطل على البركان و المطاعم التي تعمل بنظام البوفيه المفتوح والذي يوجد فيه الكثير من أشهى المأكولات

اترككم مع الصور

 

هدية الغالي رحلة الى بالي 2015 ♥^♥^♥

بعد كدا انتقلنا الى مزرعة القهوة







مزرعة القهوة والكاكاو، في هذ المكان يمكنك أن تجرب من أن أنواع مختلفة من القهوة، بما في ذالك : القهوة لوواك (قهوة الحيوان)، القهوة بالي، القهوة الشكولاتة، القهوة الفانيليا، إلا القهوة خآصة لواك (يتم إنتاج هذه القهوة من الحيوان يسمى لوواك{LUWAK})، وهنا أيضا الحصول على طريقة عملية صنع القهوة المباشر وترى أشجار البن وأشجر الكاكاو ،فانيليا وغيرها

































































هذا هو حيوان لوواك LUWAK
الذي يصنع منه اغلى قهوة في العالم






طريقة صنع القهوة






















بعد ماتنتهوا من الجولة في المزرعة فيه
جلسات يقدموا فيها انواع القهوة الموجودة عندهم
والدخول بالمجان والمشوبات كمان مجاناً


























































بعد ماتخلصوا شرب القهوة ومن مشاهدة اطلالة المزرعة
تتوجهوا للمحل التابع للمزرعة
وتشتروا من عنده النوع اللي يناسبكم من انواع القهوة
وكريمات السكراب وزيوت المساج
والعطور الطبيعية لكن اسعارهم غالية

مقارنة ببقية المحلات في بالي


وهادي مشترياتي مع مشتريات تانية
طلع سعرها
ب900 ريال سعودي


بعد كدا خرجنا وكملنا طريقنا الى سيمنياك
وكان يومها المطر جدا قوي
بصعوبة كنا نمشي


بعد الرحلة المتعبة اللي استمرت 9 ساعات وصلنا الى
آخر وجهة لنا في بالي


D’Chandrasti Bali Villas Batu Belig


فيلا لشخصين


شاطئ سيمنياك


مدة الاقامة ثلاثة ايام











اللوبي


الفيلا

























الفيلا صغيرة ومناسبة لشخصين
هادي المنطقة تشمل المسبح والجلسة
ودورة مياه اكرمكم الله
وشاور خارجي




وهادا اسوء شي في بالي كثرة الاصنام
تعالى الله عما يشركون























غرفة النوم مساحتها مناسبة
وهي الوحيدة اللي فيها تكييف



































المودم stc




دورة المياه الرئيسية
اكرمكم الله





















القسم الأخير
المطبخ وصالة الجلوس




























المنطقة المحيطة بالفيلا
منطقة حيوية تكثر بها الفنادق والانشطة البحرية
والكافيهات



بائع متجول يبيع الأصداف


منظر ليلي للفيلا مع الامطار

الفيلل لايوجد بها مطعم لأنها جديدة
وقالوا بأنهم بيجهزوا فيلا عشان يخلوها مطعم
وعشان كدا اعتمدنا على نفسنا في وجبة الفطور


كابتشنو الصباح







والفطور





قضينا وقتنا في الصباح في المسبح
ومشاهدة الافلام





واهم شي سلك الهايدم
عشان اللاب توب




في العصر جانا السواق على الموعد
عشان بدنا نروح لشاطئ نوسا دوا
وهو من أروع شواطئ بالي مختلف
في كل شي في الطريق له وفي لون البحر وهدوءه
منطقة راقية انصح بالسكن بها
لكن مشكلتها بعدها عن بقية مرافق الجزيرة
































بعد ماتمشينا في الجزيرة
توجهنا للمطعم الهندي الموجود في نوسا دوا
اتغدينا فيه









هادا اليوم هو اخر يوم لنا في بالي
واعدنا السواق انه يوديني لسوق نشتري منه هدايا تذكارية
وودانا لهادا السوق اسعاره جدا رائعة وانصحكم بيه
































































بعد كدا توجهنا لكوتا عشان نروح لمحلات المساج















يوم المغادرة والاستعداد للرحيل

صحيت في هادا اليوم في نفس موعدي صليت الفجر
وخلصت اذكاري وشربت قهوتي

بعد كدا قلت لنفسي يابنت اطلعي على الشاطئ
اتودعي من البحر , اخدت جوالي ولبست عبايتي
واتوكلت على الله اتمشى على الشاطئ
وكان الجو مررة حلووو
والشاطئ فاضي مافيه احد

غير عمال النظافة








ودحين راح احكي لكم سبب ذكري للمقدمة للسابقة
هو الموقف المرعب اللي حصلي لي
من نتيجة التمشية هادي
واللي هو اني انا احب الحيوانات الاليفة ’
وكانت فيه كلاب على الشاطئ ,
ومتعودة اني اصورهم زي ماراح
تشوفه في الفيديو اللي راح انزله بعد التقرير إن شاء الله
عدت من جنبي مجموعة كلاب 6 او 8 ماني فاكرة عددهم
وانا وراهم اصور فيهم ’
بعدين عملوا حركة غريبة كل واحد فيهم
حفرله حفرة وجلس فيها قلت
يابنت قربي منهم وصوريهم فيديو
عشان اوريه لأولادي واللي قربت منه خاف مني
شكل العباية رعبته وقام من محله ينبح عليا
وبعدها قامت بقية الشلة تنبح ويبغوا يهجموا عليا ’
عاد انا رحت فيها من الخوف رميت الجوال
وبعدت عنهموهما جايين ورايا
وقلت يابنت لو جريتي راح يجروا وراكي
خليكي واقفة مكانك ’
ووقفت مكاني واصرخ
وانادي على عمال النظافة

( help –help- help )

ومافي احد يرد عليا شكله من الخوف

صوتي مو واصل لهم
وبس الحمد لله ربي انقذني منهم ورجعوا
مكانهم وتركوني في حالي
وانا مشيت بالقوة حتى وصلت لجوالي واخدته
وجري على الفيلا وتوبة ماراح اكررها
مرة تانية ماراح
اخرج لوحدي

وهادا كان بعيد عنهم لمن سمع صوتهم جا يفزع معاهم

وهادي آخر حكايات الرعب في رحلتي مافي مكان رحت له
الا وصار لي فيه موقف مرعب ماني متعودة عليه
والحمدلله اللي ربي سلمني ورجعت لبلدي على خير



بعد ماهديت من الرعب اللي شفته
قمت حضرت الفطور
وصحيت زوجي وفطرنا
الخبز اشتريناه من المطعم الهندي
الخبز في بالي نادر انكم تلاقوه
ماحسيت بقيمته الالمن سافرت لبالي

وقلت له
عاللي حصل لي
طبعا ماقصر اداني اللي فيه النصيب


ووعدته اني ماراح اكررها تاني


يوم الوداع كان رائع طول اليوم مطر
قضينا بقية اليوم في السباحة تحت المطر

وشربنا قهوتنا

واتودعنا من هادي الفاكهة اللذيذة اسمها( انقا )

وجهزت اغراضنا

وعلى الساعة 3 عملنا تشيك اوت
وهدولا موظفين الفندق ماتتخيلو قد ايه خدومين
وتعاملهم رائع

وهادي صورة السواق اللي
كان معانا طول الرحلة

وتوجهنا على بركة الله
للمطار

صور المطار من الخارج


صور المطار من الداخل































بعد مانتهينا من جولتنا في السوق الحرة
طلعنا في الدور التاني لقاعة بريمير لاونج












وهادا الاكل اللي ناسبنا
سلطة وكابتشينو








ولمن قرب موعد طيارتنا نزلنا


صلينا المغرب والعشا


بدأت رحلتنا على بركة الله
وكانت مدة الرحلة 10 ساعات تقريباً
قضيناها بين النوم ومشاهدة الافلام


هادا المقعد للطيارين عشان يجوا يرتاحوا
لانهم ثلاثة طيارين
بسبب طول الرحلة




طبعا مكاني هنا افضل من رحلة الذهاب
لحقت اغيره واخد اول مقعد في الطيارة





الاستقبال واحنا طبعا ناخد عصير
لكن بقية الركاب……….
وطبعا مافي عرب غيرنا

وهادا عصير تفاح
جدا لذيذ انصح بتجربته
طبعا ليس كحولي





















وصلنا بحفظ الله الى مدينة الدوحة واخدنا السيارة
الخاصة بالفندق وكان فيها واي فاي
وصلنا على الفندق واعطونا سويت
شامل العشا والافطار
وهادي صوره

الساعة 8 نزلنا على الفطور الرائع
واللي ربنا عوضنا فيه عن اكل بالي
































بوفيه الفطور المتنوع






















الساعة 11 عملنا تشيك اوت وكانت السيارة
في انتظارنا وتوجهنا للمطار












































في الطائرة والانطلاق للعودة الى مدينتنا الغالية





قطر الحبيبة وبحرها الجميل





جزيرة البنانا










غدانا في الطائرة





وبرضه اكل هندي




الاقتراب من مدينتنا







سبحان الله اول مرة اشوف منظر الجبل البركاني
هادا على قد رحلاتي ماعمري شفته اول مرة اشوفه




الوصول بحفظ الله ورعايته الى المدينة المنورة





وهادي صور الهدايا اللي اشتريتها










بالنسبة للهدايا والمشتروات افضل شي جربته
الكريمات اللي بريحة الفواكه
وكريم السكراب ( التقشير )
واسعارها ممتازة






وهادي الكيكة هدية اولادي بمناسبة وصولي





الايجابيات في بالي


سهولة الاجراءات في المطار وحسن التعامل
تنوع الشواطئ وافضلها نوسادوا واقربها كوتا
تنوع اماكن السكن ومناسبتها لجميع الفئات
تنوع الانشطة بها لا تعد ولا تحصى
اسعارها رخيصة
اسعار التنقلات رخيصة جدا
تعامل اهلها الرائع
تنوع البيئات فيها من شواطئ وجبال
تنوع الطقس فيها من استوائي الى معتدل في الجبال
مناسبة للسياحة لجميع افراد المجتمع من شهر عسل وعائلي وشبابي

ونصيحة
لا تستمعوا لمن يقول انها غير صالحة للسياحة العائلية


السلبيات في بالي


كثرة الاصنام وعبادة الاوثان وكثرة المعابد
الأكل لايناسنا والافضل اخذ المؤنة من بلدنا
صعوبة الانتقال بسبب طبيعة البلاد الجبلية حيث تأخذ وقت طويل في الوصول الى وجهتك والجزيرة كبيرة






وختاماً أحمد الله سبحانه وتعالى أن هيأ لي لي هذه الرحلة واعانني على كتابة تقرير عنها راجية من المولى القدير أن يساعد كل شخص يفكر بالسفر الى جزيرة ابالي في التخطيط لرحلته

ـ(( سبحانك ، وبحمدك لا إله إلا أنت استغفرك وأتوب إليك ))ـ



 

 

 

 

 

الإعلانات

اترك رد